繼前幾日一紋完個愛的紋身就同女朋友散咗嗰位台灣網民之後，最近就有個日本傻西瓜話紋咗自己男朋友個生日日期喺身喎！

是咁的，呢個日本妹豬之前就上咗電視節目，話自己特登走去紋男朋友個生日日期「1216」喺身，諗住畀個實派對方啦，點知男朋友一見到就覺得奇L怪怪咁，原來佢生日係12月14日，唔係12月16日呀！

哎唷唷，又會連自己男朋友個生日都記錯嘅，唉，所以而家個妹豬咪好後悔囉！btw，咁生日日期上面個「7」字又係點解，唔通係識咗7年／7個月／7日？以毛毛9估，應該唔係因為自己7，所以先紋埋個7字上去嘅……

其實樂觀啲咁睇，都係爭兩日啫，起碼……起碼個月份都冇錯到吖！再唔係叫你男朋友同你拉埋天窗，贏在射精前，喺12月16日生返個B，當係愛情結晶品紀念日又得，得咗～

圖片及資料來源：2ch

回帶：【GG】呢頭紋完個愛的紋身，嗰頭就散咗……

回帶又回帶：【最神改圖】分咗手仲keep住個紋身做咩呀