對一個香港嘅電影人嚟講，有份做金像獎嘅評審委員已經好開心，更何況係做奧斯卡嘅評審委員呢～

就喺噚日，奧斯卡嘅主辦單位「美國電影藝術與科學學會」就公布咗683位新增評審委員嘅名單，而其中3個仲要係香港著名攝影師嚟?～真係威過威士忌喇！等毛毛同大家睇下係邊三位攝影師先：

嗚哇！呢三位咁出色嘅男人咪就係憑住電影《臥虎藏龍》拎咗奧斯卡最佳攝影獎嘅鮑德熹先生、拎過香港金像獎最佳攝影指導獎嘅潘恒生先生，同埋電影《桃姐》嘅攝影指導余力為先生囉。

真係恭喜晒三位！雖然電影嘅嘢，毛毛就識條鐵達尼，但佢哋連奧斯卡嘅評審委員都做到，證明香港仲有好多好堅揪嘅電影人啦～希望而家做緊電影界小薯嘅朋友仔都可以以佢哋為榜樣，做好自己，威畀啲睇唔起自己嘅人睇！！！

圖片及資料來源：oscars、新浪網（1）、新浪網（2）、蘋果日報