眾所9知，毛毛就返足星期一到星期七每日48粒鐘嘅，一日到黑都係坐喺度，腸胃真係差到睇幾多次巴士個管教腸胃廣告都搞唔掂呀！不過如果一入到廁所見到呢個畫面，一定咩都屙晒出嚟啫！

嘩X！想嚇到人個心離一離咩！見到有個人樣喺垃圾桶真係驚到標sss呀！小姐呀，你想偷睇毛毛去便便咪出聲囉，都唔使匿喺度㗎！個樣仲要一臉慘白，實係之前去廁所啲人腸胃唔好，臭到你咁嘅樣喇陰公……

便秘就話一見到蒼白哀怨小姐就嚇到瀨呀，但如果閣下肚痾嘅話，毛毛就誠意推介你去呢個廁所喇！喺人性最脆弱嘅一刻畀笑到你心寒嘅藍藍路監視住你，實嚇到縮一縮，想屙都屙唔出啫！

封面圖片、資料來源：陳則升 

延伸閱讀：【嚇到標SSS】邊個放個公仔喺廁所出面呀！