想當年，毛毛仲係一隻中學雞嘅時候，lun廚去茶記食個汁汁扒扒飯加杯凍飲都係18蚊咋，而家？寫到明學生優惠都要38蚊凍飲仲要加3蚊，真係嚇到眼都突呀！所以話，自己帶飯就最醒目喇！

台灣有個網民就諗住整個靚靚愛心便當畀老公食喇，佢仲好好心機咁用紫菜剪粒眼仔同鼻仔出嚟，砌做屋企隻狗狗個樣呀～咁有心思，老公仔實晚晚都會準時返屋企食住家飯啫嘻嘻～！

個飯盒又真係幾似佢哋隻醒目狗喎！老公食咗實充滿力量呀！

點知，老公一打開個便當，狗狗飯糰竟然變咗咁樣樣……狗仔仲好似一臉無辜咁望住自己咁呀，見到佢咁慘，真係當堂冇咩胃口。如果同事見到，以為係台灣香腸砌嘅菊花飯糰都幾老尷。

其實太太你只係損失咗剪三粒圓形紫菜嘅心血，已經算好好彩㗎喇，你睇人哋都未出聲啦…… 

封面圖片、資料來源： Echo親子廚房

睇埋：【為何結果不是我想的那樣】唔好黐晒上飯煲蓋得唔得…