樑上有雙燕，翩翩雄與雌……呢首詩，毛毛細細個就聽過啦，係叫人要做好家庭計劃，諗清諗楚先好生竇化骨龍出嚟㗎嘛（好似係），仲有係講燕子爸爸媽咪搵食艱難，辛辛苦苦先養得大幾隻小燕子㗎嘛！

你睇下呢竇住喺長洲嘅小燕子，真係好似詩入面講嘅咁，乖乖地喺燕巢度擘大個口等爸爸媽咪返嚟餵佢哋㗎！但係佢哋個安樂窩，竟然畀人鏟走咗呀！Post相嘅長洲足跡就話，可能係有人因為唔鍾意燕子便便整污糟地方，或者唔鍾意有太多人聚喺度觀鳥，所以就咁做。

燕子爸爸媽咪搵食已經艱難，仲要冇咗個屋企真係好慘！好彩有好心人幫手用膠籃幫佢哋重建家園咋，佢仲代小燕子貼咗封信，話等到秋天燕子就會同大家講byebye，希望大家可以做下好心～

大家都知道，正路嚟講，雀仔築巢梗係用樹枝㗎啦。上面竇小燕子要住膠籃呢啲人工造嘅嘢，就話因為有好心人整個臨時屋企畀佢哋呀，但係呢隻雀雀就冇咁lucky喇！佢用鐵枝嚟築巢，係因為喺呢個石屎森林入面，連一枝樹枝都搵唔到呀陰公…… 

封面圖片、資料來源：長洲足跡Footprint of Cheung Chau 

睇埋：【冇陰公】雀雀竟然要用鐵枝嚟築巢？