如何測試一個男人虛唔虛偽？好簡單，只要你問佢有冇睇過愛情動作片，而佢又答你冇，咁嗰個男人就肯肯定虛偽喇！男人天生鍾意睇愛情動作片就係人都知，之但係，呢位阿叔你都唔使當街當巷睇咁開心下話？

話說有位台灣網民搭搭下車嘅時候，毛意中見到坐自己前面嘅呢位阿叔喺度睇緊愛情動作片，而阿叔隻手仲揸實拳頭，睇到好肉緊咁款……

大佬呀，你鍾意咪返屋企睇足7749個時辰囉，做咩要喺街睇啫？搞到毛毛都想睇埋一份……呀唔係，i mean呢個行為真係好唔要得囉！難為你前面仲坐咗個小妹妹㗎……唉，你都係走啦好嗎？毛毛唔想搞大件事佢呀！

老老77，佢唔係以為冇人會睇到佢睇愛情動作片下話……到底呢位阿叔係勇敢做自己，定係佢以為全世界都係盲呢？毛毛真係睇唔透。

圖片及資料來源：蔡八佰‎／●【爆廢公社】●