最近，有強國網民喺街見到一個好吸引嘅樓盤廣告……嗱，買樓送裝修呢啲就濕濕碎啦，之但係呢個樓盤廣告竟然話買樓連老婆都有得送喎！唔L係呀，竟然連毛毛一直以嚟夢寐以求嘅嘢都有得送？

咦，個廣告又真係大大隻字寫住「送老婆」喎，睇嚟機會今次終於都嚟喇飛雲，等毛毛即刻儲起腦細加嗰100蚊人工買樓先～

哎呀，人哋係就係大大隻字寫住「送老婆」，但人哋係話送老婆……餅呀！

嗯，你隻字唔好再細字啲？

等毛毛講返句公道說話，雖然人哋個「餅」字寫得細咗少少，但係……起碼都大隻過粒米吖，你哋唔睇清楚係你哋嘅問題啫！再講吖，其實以強國嘅廣告嚟講，呢個都算老實㗎喇。

圖片及資料來源：Matcha_11