古乳有暈「小島怡情」呀嘛，失戀，就梗係要揸住架電單車嚟返個環島遊先夠青春啦！

之前有個仔仔就因為失戀，喺背脊大大隻字寫住「失戀環島中　請為我加油」，再踩住架戰車去勻全台灣。一路上都有唔少同佢打氣，甚至喺便利店買嘢請佢飲呀！咁有愛，咩戀都治癒返晒啦～

古乳又有暈「塞翁失馬，胭脂非福」，呢個哥哥仔都一樣學人失戀環島遊，不過佢比上面嗰位更加幸福啵，因為佢身邊，仲有個陪佢環島嘅好朋友呀！失戀嗰個背脊就寫住「失戀環島中」，個FD子呢，就寫住「朋友失戀陪環島」，成個畫面係幾咁熱血！

好朋友就係咁㗎喇，你拍拖唔得閒陪佢，佢又唔會怪你，但係你一有咩事呢，佢肯肯定會第一時間飛出嚟陪你癲！咁好嘅兄弟，更加值得你珍惜啦後生仔！

封面圖片、資料來源：蘇焦焦

＜台灣失戀環島哥上下集＞

【超有愛的哦】後生仔失戀環島 7萬網民like爆打氣

【台灣失戀環島哥】洋蔥感言：因為有你們，我已走出。