以前毛毛都唔是好明白，點解老母開口埋口都話最緊要係健健康康，嗰時毛毛仲未識諗，覺得最緊要梗係有錢啦，有錢先可以有女㗎嘛，傻的嗎？到人大咗，OT多咗，先明白到原來老母永遠是對的，健康先係最奢侈嘅幸福。就好似台灣呢對新婚夫婦咁，先同毛毛差唔多大，已經搵到生命嘅另一半！但喺以為生命已經完滿嘅時候，就要面對癌症呢隻大怪獸！

毛毛都想像唔到如果身邊嘅人有呢個病要點算，可能已經震都腳埋，但呢位老公唔單止冇放棄到佢老婆，仲話要同佢共進退咁話?！

嗱，佢唔是口花花得個講字，佢仲做埋出嚟！老婆冇得食嘢佢就唔食嘢，老婆化療剃光個頭佢就跟住剃光個頭，真係巧man唷！

雖然每對夫婦結婚嘅時候都會話「無論順境或逆境，無論富裕或貧窮、疾病還是健康都彼此相愛、珍惜」，但又有幾多對係可以身體力行做到吖，有個咁好嘅老公喺身邊，佢老婆一定可以好快好返嘅，55！（台灣腔）要幸福唷～

封面圖片、資料及圖片來源：Wei Wei