世上最偉大嘅愛情，有人話係羅密歐與茱麗葉嗰種，有人話係梁山伯與祝英台嗰種，毛毛就話，技安同牙擦仔之間嘅，先係真真正正超越世俗人眼光嘅愛情喇。

如果唔係，牙擦仔又點會次次畀技安蝦完，都仲跟到佢實，好似糖黐豆咁呀！小學就搵到一生一世嘅好胖侶，真到見到都葡萄死人喇！

而家咁興cosplay，連伊藤潤二漫畫角色都有人扮到，就係未見過有人可以完美神還原到陪住我哋大嘅牙擦仔，但係今日，終於畀毛毛搵到喇！呢三隻手加埋，咪就係牙擦仔囉？仲要唔係普通嘅牙擦仔，而係畀技安打完嘅牙擦仔呀！

有唔少叮噹fan屎見到原來咁簡單就可以cos到牙擦仔，都一齊貼相挑戰呀～

見大家玩得咁開心，毛毛都心郁郁想cos埋一份呀～不過毛毛冇FD子，搵唔到第三隻手幫手，扮住失敗的人先得唔得…… 

封面圖片、資料來源：Lowcostcosplay