根據人類學入面嘅家庭食物鏈理論（好似係），老母永遠都係喺食物鏈嘅頂端，而老竇呢，永遠都係喺食物鏈嘅低層！長期活喺老母嘅淫威之下，都想搵返啲樂子嘅！就好似呢位台灣網民嘅老竇咁，竟然叫個仔幫佢搵個女人返嚟畀佢喎……

哦，原來係叫佢個仔買染髮劑，咁又係嘅，機會係留畀有準備嘅人㗎嘛，梗係隨時都要預備一把烏黑嘅秀髮啦！但老老竇竇，染髮劑個盒上面條女真係咁易認咩？

盒盒染髮劑上面都有條女，老竇即係要邊條女呢？選妃咩而家，後宮佳麗三千咁喎！係時候通水畀老母聽，等佢夜晚畀老母扭耳仔先！

封面圖片、資料及圖片來源：ptt