美國一個總統曾經講過，當見到一個人收工搭巴士嘅時候熟睡到瞓醒嗰刻以為已經第二日，或者分唔到自己返緊工定放咗工，喺巴士定喺屋企，你就知佢返工有幾咁攰！有時收工真係好想把握嗰半個幾鐘好好咁抖下㗎，雖然係咁，毛毛作為一個善良小子，見到有需要嘅人，都會讓座畀佢嘅～

其實搭車見到有人讓座好common啫～不過今次堅係抵讚㗎，因為個主角係一個大肚媽媽呀！大肚媽媽見到有個老婆婆上車之後，竟然立馬企起身讓座畀佢。佢仲要明明仲有幾個站先落車，唔係下個站就到先做個順手人情㗎～呢個媽媽嘅胎教唔係淨係聽下莫扎特咁簡單，而係親身敬老，真係超抵讚！

有好嘅胎教，BB梗係易啲贏在起跑線啦，不過如果真係趕唔切做好胎教，做好身教都一樣得啫！台灣呢個媽咪就星期日一朝早，有覺唔瞓，帶埋仔仔一邊行一邊掃地，教佢咩叫愛護環境喇！無論胎教定身教，呢啲都係狂操補充練習學唔到㗎！

封面圖片、資料來源：陳幾摳

睇埋：【呢啲咪身教囉】媽咪帶埋囝囝星期日一早起身打掃馬路