平時見啲網友改圖，多數都係搞笑或者恥笑人為主，張圖出到嚟個效果永遠都不是自己想像中的那樣.jpg，但係，原來呢個網絡世界都仲係好有愛㗎！

話說呢隻公仔係外國一個小朋友嘅玩具嚟，佢好鬼鍾意隻公仔㗎！但係有一日隻公仔唔知點解唔見咗，小朋友嘅爸爸媽媽唔想個仔唔開心，就呃住佢話個公仔只係去咗環遊世界。佢哋個friend知道呢件事之後，就將呢隻公仔嘅相放咗上網，結果就引嚟成班網友瘋狂改圖，決定要令呢隻公仔，嚟個堅﹒環遊世界呀！

去柬埔寨出家做和尚，冇難度吖！

轉個頭佢又去咗西班牙鬥牛喇！喂快啲走呀，隻牛就嚟拮到我喇！

順個靚便去非洲探埋啲遠房親戚，嚟個愛回家都得喎！

佢仲威到衝出太空，同太空人一齊登陸月球?呀！個小朋友如果見到佢隻公仔咁威威，一定會好開心嘅啫！所以話有時做人FF下都係好事嚟嘅，冇咩事嘅話毛毛都係出返去繼續FF自己同女神一齊喇，55。

圖片來源、資料來源：reddit