根據毛毛表白成功嘅經驗（即係冇⋯），第一件事要做乜？拖手？??？啪啪啪（拍手慶祝咋咪亂諗嘢）？錯晒喇，梗係即刻上FB改返個「In a relationship」曬下命啦！

但做人太有自信真係好易出事，就係似呢個台灣仔仔咁，本來成功同到女神一齊，諗住話畀全世界聽啦，但估唔到呢個世界會出現另一個男仔，喺8分鐘後就留言話佢先係女神嘅男朋友咁話喎！媽好複雜呀！唔通係平行時空？

唔使追開台劇都知，兩個男人嘈完一輪，就梗係冇結論啦，只係劇情需要，舖排下等女主角出場啫！不過女神一出場就秒殺咗成件事，食咗誠實豆沙包咁話「我 劈 腿 了 ！」。兩個男主角(其中一個可能只係男配角)即刻隔住個mon都呆晒⋯⋯

媽，為何結果不是我想的那樣？女主角仲補充：「其他可以私下說嗎？我還要做人。」既然你咁誠實，毛毛都唔阻你做人喇。

不過，結局通常都係初初兩個誤會嘅人，最後會喺埋一齊，呢兩位男朋友⋯HEHE！

封面圖片來源：爆料公社

資料來源：ebc