國家時時刻刻都以更好地打造和諧生活環境畀人民為念，就係人都知啦，強國嘅視障通道，就梗係都處處為失明人士著想㗎啦。

好似呢條視障通道咁，中間少咁幾塊磚幫國家節省資源，都係濕濕碎啦。呢度慳幾塊嗰度慳幾塊，都係想儲埋起多條視障通道咋。

最近北京通州區呢條視障通道先威威呀，100米都唔夠，但係竟然有成9個轉彎位！有視障人士行過之後，就大讚「走這樣的盲道，我反而迷路了」喇！其實國家應該都係想訓練視障人士腦筋急轉彎，先會整條咁高難度嘅視障通道出嚟啫。

唔止咁呀，其實國家為咗好似星探咁喺街上搵到有潛質成為跨欄或者跳遠運動員嘅失明人士，仲特登整咗幾條行行下有個黑洞，或者有障礙物嘅視障通道?！唔怪得強國嘅盲道有「盲目修的道」之稱啦！

不過最出色嘅都係呢兩條視障通道，設計得有美感之餘，仲不知幾有強國特色！人哋成日話來生不做終國人，毛毛終於明點解喇！

封面圖片、資料來源：北京晚報