藝術嘅嘢，毛毛識條spring咩！自問毛毛個樣都生得同畢加索嘅畫一樣咁抽象吖，點解人哋2D就賣千9幾萬一幅，毛毛係3D喎，但就一毛不值，公平咩？其實美醜呢啲嘢點解要由其他人嚟定義喎，就好似呢個澳洲最爛藝術家得主咁，就算冇人欣賞佢嘅作品咁又點喎，偷偷哋掛自己啲畫喺美術館咪得囉！

嗱嗱嗱，出發前梗係首先要做足準備啦！要準備啲咩？咪自己幅畫同簡介版囉！唔使十秒，搞掂！

係咪掛得毫冇違和感，簡直係同間美術館嘅環境融為一體呀！唔怪得知掛咗幾日都冇人發現啦！

介紹返，呢幅畫叫《自我實現》，而佢喺講解呢幅驚世巨作嗰陣就話，「喺而家呢個資訊流通的年代，任何文化建制都唔能夠再主宰一切，公眾都可以參與其中咁話喎」（毛毛雞腸都唔識一甩，都係谷歌translate㗎咋）！即係無論係佢呢幅畫，定係佢偷偷哋掛喺呢幅畫嘅行為，都係一種藝術呀！

唔係講笑，呢種打破藝術建制嘅行為藝術，真係好熱血，直頭搞到毛毛都動已感，開始想身體力行，打破世俗對美醜嘅觀念，下屆嘅香港先生，等毛毛去一展所長啦！

封面圖片、資料及圖片來源：Australia's Worst Artist - Ben Butcher