細個嘅時候見到地下一撻二撻黑色，仲以為係有斑點狗甩斑點，點知媽媽話其實係有衰人?完香口膠隨地咁吐，黐到周圍都係嘅跡嚟㗎！雖然啲黑色一撻撻已經乾咗唔再黐立立，不過真係諗下都想嘔呀……哼，咁鍾意吐香口膠，好心就去美國西雅圖幅Gum Wall度吐啦！

呢幅牆原本是市場劇院嘅外牆嚟，講聽開頭係因為排隊等睇劇嘅人排到好唔耐煩，食飽飯冇sss屙，咪將啲?完嘅香口膠黐上牆囉～慢慢就變咗一個旅遊景點，嚟親嘅人都要放低幾兩先安樂喇！

最近就有個台灣男去Gum Wall玩嘅時候用香口膠砌咗個青天白日滿地紅旗出嚟呀！佢話見到有外國人砌咗美國國旗出嚟，決定輸人唔輸陣，砌返個青天白日滿地紅旗同佢鬥過！佢仲話自己熱愛台灣，要畀外國人認識台灣?呀，幾型幾威幾疊馬呀！

嘩，咁大個青天白日滿地紅旗，仲要有齊晒咁多隻色，真係?到牙都甩喎？佢話足足?咗成粒鐘，食成4排膠先整到㗎！肯狂?一粒鐘都唔算最勁呀，?完都冇變國字面，keep到面尖尖嗰下好嘢呀嘛！

其實去旅行想留念，使乜狂?香口膠咁辛苦呀，學強國同胞咁刻返個「到此一遊」咪既方便又快捷囉，到時仲唔全世界都認識強國？

封面圖片、資料來源：Chia Hao Chang

睇埋：上海迪士尼都未開幕 就畀同胞刻咗到此一遊