毛毛相信，每個人細個嗰陣都肯肯定畀阿媽影過啲床照呀、出浴照呀咁。每逢大時大節成班親戚坐喺屋企冇嘢講嘅時候，唔知點解你阿媽硬係鍾意拎啲相簿出嚟，等成班親戚睇下你全相呀，恥笑下你呀咁。毛毛每次見到呢個情形都心諗，唉走啦你哋，我唔想搞大件事呀……你話如果我啲BB相好似呢啲日本人咁影到咁靚，就話唔介意畀人睇啫！

呢個挨豬最近就發起咗個比賽，本身係想畀班父母開心些牙佢哋最珍藏嘅BB相嘅。咁啱有對父母就巧有創意咁用水果嚟遮住BB個patpat，結果就引嚟其他父母都爭住要影喇！

嗯，用水果遮住patpat，真係睇見都覺得juicy，好想咬一啖…個水果呀！其實除咗水果造型之外，呢個挨豬仲有好多創意力量同幻想會嚇你一跳嘅BB相㗎！

鼻仔當樹熊個頭，得咗！行搞笑路線嘅，又得喎！

睇完之後真係有種被治癒嘅感覺，毛毛都好想做返個無憂無慮嘅細路呀，嗚嗚！

圖片來源、資料來源：kodomono_photo／instagram