2016年07月08日 星期五
【7出國際】泰國cafe貼相寸強國遊客齋影冇幫襯
出門旅行，行到邊影到邊是常識吧？唔post相上fb點會有人知你有旅行去喎！不過如果影相影到阻住人做生意，又點會有人畀面呀。最近泰國清邁就有間cafe 貼咗輯菲林相出嚟，嘲諷強國遊客齋影冇幫襯喇。
呢間cafe叫做「Drip for friends Cafe」，喺出面睇個裝修都幾清新幾有feel喎，啱晒妹豬喺門口影返幾張懶係不經意嗰啲文青相！
但係cafe老闆就覺得，班強國遊客成日喺門口影嚟影去，淨係注重外表，而唔入舖頭體驗下了解下係膚淺嘅行為，所以就偷偷地影低強國遊客嘅倩影貼出嚟，叫大家唔好再攪攪震冇幫襯呀。
而呢個紅雙囍牌煙盒呢……即係全世界都在用強國貨！全世界都吸強國煙！肯肯定唔係同胞食完隨地拋垃圾！
哦～講到尾cafe老闆都係嬲豬同胞冇幫襯啫！哼，你眼光太狹窄喇！咱們強國有13億同胞，隨便發張相上微博都幾十萬like ＆ share呀，同胞肯喺你舖頭門口影相幫你免費宣傳仲唔感恩？
封面圖片、資料來源：微博
＜強國同胞文明出遊見聞錄＞
