2016年07月08日 星期五
【內外都冇得輸】台灣比堅尼女郎主動執沙灘垃圾
嗰度椰林樹影，水清沙白，藍天白雲，好彩嘅話，仲會見到馬來亞生番唔著底褲騎馬，係一個世外桃源……嗰度係邊度？咪沙灘囉。而家天氣熱辣辣，可以去沙灘吹吹海風，浸下海水，真係諗起都覺得爽呀。
不過最近有唔少報道都話香港有好多沙灘，好似大嶼山長沙、稔樹灣、赤柱聖士提反灘咁，都畀海量進擊的殘體字垃圾入侵呀！嘩，真係隔住個mon都覺得反胃，不過最恐怖嘅好似唔係啲強國啦滋，而係有人可以當冇事發生咁喺旁邊照玩水……
估唔到台灣嘅沙灘都一樣咁多海上垃圾喎，有網民就影到基隆外木沙灘一地都係垃圾，污糟到不得了喇。但係更加令人估唔到嘅係，竟然有個比堅尼女郎拎住個大膠袋遂件遂件垃圾執起呀！呢個女仔真係好靚好靚好靚……毛毛指佢個心地呀。雖然大家未必可以好似佢咁幫手執垃圾，但係都記得要做好本份，唔好亂掉垃圾呀！
Any肥，唔知右邊個男人是咪等緊個女女去執佢走呢……
封面圖片、資料來源：林鍶吟
延伸閱讀：
