唔知大家仲記唔記得呢？大概一年前，西環般咸道嗰四棵百年古樹無辜辜被斬，大家都覺得好心痛。

原本四棵老樹依牆而生，不知幾有特色，聽講經典電影《阿飛正傳》都喺度取過景㗎！

點知舊年正苦一句唔該都冇就斬晒四棵樹去，搞到得返光禿禿嘅樹根淒淒慘慘戚戚咁留喺度。當時唔少市民都去到現場掛氣球同標語悼念老樹同表達對正苦嘅不滿。

一年之後嘅今日，西環老樹返嚟喇！有西環街坊影到本來光禿禿嘅樹根生咗好多青BB嘅樹葉出嚟，最右嗰棵仲strong到可以幫路人遮蔭?！唔少網民見到啲相之後，都大讚四棵老樹生命力強，係香港精神嘅寫照咁話！聽講樹木係好有靈性㗎，希望佢哋可以長命千歲之餘，仲保佑埋班同類，以後唔會再有樹無啦啦畀人斬啦！

封面圖片、資料來源： 西環變幻時