唔知邊個講過，當一個男人突然對佢女人好，你就知道佢一定奶咗嘢；而當一個政客突然講人話，你就知道一定係就嚟選舉喇！為咗贏出場選戰，蛇齋餅糉呀，放對手黑材料呀，推老婆出嚟拉下女性票源呀呢啲是常識吧，但點估到而家喺日本竟然玩到拉埋隻貓出嚟，諗住吸貓奴嘅選票咁蠱惑都有嘅喂～

佢仲要唔是一隻普通貓，而係一隻有雙色瞳嘅白貓，老老竇竇，隻貓星人放到咁大，而家係你選議員定隻貓選議員先？

呢個政客仲要蠱惑到玩埋限量版，唔係度度都有佢同隻貓嘅合照㗎，好多都係佢個人solo嘅沙龍照～做咩啫而家，博人集郵呀？梳ly呀，毛毛淨係想要隻貓星人單頭沙龍咋唔該！

不過而家連貓星人都出埋嚟助選，證明距離貓星人一統天下嘅日子，又邁進一大步喇喵～

封面圖片、資料及圖片來源：satoshi_shima/twitter