有得揀，先至係老闆呀嘛，出去茶記食飯，勝在想碟飯走青、隻煎蛋要燶邊、碗麵想硬身啲、杯凍0T要少甜少冰，總之咩要求都可以一五一十同伙記講晒呀嘛！（不過佢照唔照做又另一回事啦）可能澳門呢間茶餐廳個伙記就係驚一陣廚房冇照足order做，個客仔會捉實佢嚟問，所以清清楚楚寫晒喺張單度，話畀客仔佢有做到嘢㗎！

有個澳門網民話佢去茶記叫咗碟雞絲炒麵，話要乜春配料都走Q晒佢，點知張單真係照住咁寫，一個字都冇漏到！

有圖有真相呀，碟炒麵堅係乜春配料都冇，咩芽菜呀韮菜呀蔥呀統統都走Q晒，話雞絲炒麵就真係得雞絲同炒麵！

呀唔知呢個客仔，又是咪真係order咗2013年嘅熱檬水呢？毛毛都想叫返杯1993年賓檸七試下呀，不過乜春都要多甜，唔知伙記會唔會照落呢？

封面圖片、資料來源：Tkd Lince