夾公仔嘅嘢，一係夾到，一係夾唔到，係冇有灰色地帶嘅。話說最近就有位強國網民去咗玩夾公仔機，一心諗住夾返隻莫歌拿出嚟威下啦，點知莫歌拿佢就夾唔到嘞，但透明硬膠粒都畀佢夾到一嚿嘅……

我突然無言靜了下去細心把你望～唉，呢位網民望住手上面嘅膠粒，都唔知笑好定喊好，咁唯有影相放上網呃下Like啦！而有另一位網民見到呢張相之後都表示自己同佢一樣夾唔到公仔，反而夾咗嚿膠粒出嚟呀。

其實樂觀啲咁睇，夾到嚿膠粒出嚟都幾型吖～你哋諗下喎，嚿膠粒咁細粒，但個夾又咁大個，計毛毛話，識夾膠粒嘅先至係高手呀！仲夾公仔，out啦！btw，唔通人哋一早已經諗住夾膠粒又要同你哋講咩？

圖片及資料來源：腿毛崩二栗／微博、高傅率／微博