呢排天氣咁熱，最啱就係瞓覺㗎喇，夏日炎炎正好眠吖嘛，唔瞓就浪費咗個夏天啦！不過呢，夏天咁L熱，好易會瞓瞓下覺熱醒，所以如果可以畀毛毛揀嘅話，毛毛梗係希望可以瞓喺雪櫃入面啦，又或者好似就好似呢隻刺猬仔咁，大字型咁瞓喺由鋁地板整成嘅寒冰床，認真疏乎！

不過計毛毛就話呢，張寒冰床最好梗係有埋小龍女喺上面啦，咁樣先可以做到冰火交纏，外冷內熱㗎嘛！

不過毛毛都係FF嘅啫，其實有得瞓毛毛已經好開心㗎喇！呢隻刺猬仔喺未有寒冰床瞓之前，咪一樣瞓得幾好！

其實毛毛唔係喺張床度瞓覺嘅時候，都係眼瞓緊～所以你唔好以為毛毛返緊工就係醒咗呀，其實毛毛而家都係合埋眼打稿㗎咋！

封面圖片、資料及圖片來源：bls____/twitter