呢排日日都落雨，仲要落到狗sss咁，就算有帶遮都濕半個身呀！如果對腳本身仲要整親就麻煩喇，一濕到水真係手尾長，雙腳變傷腳都夠慘豬啦，仲要變埋痛腳真係不得了！

最近有個網民喺馬鞍山睇完跌打之後再去嘆日本嘢，點知一個唔好彩，臨走先嚟落大雨！所以佢就問餐廳老闆借個膠袋想包實隻腳啦，點知老闆娘一知道咗，竟然立馬拎保鮮紙出嚟畀佢！唔通見佢咁慘想打包幾嚿壽司送畀佢？原來老闆娘係親手幫佢包實隻腳呀！嗚呀，係人情味呀哈利！

早排毛毛睇到台灣有個司機大哥停車親自跪低幫一個受傷嘅伯伯止血，都已經覺得好warm，喺度諗唔知成日畀人話cool嘅香港會唔會有呢啲好人好事發生呢？原來答案係有㗎！小店老闆，多謝你呀！

封面圖片、資料來源：馬鞍山之友

睇埋：【好人好事】司機停車跪低幫受傷伯伯止血