前晚雷神嬲嬲豬係咁發功，個天係咁閃呀閃，原來加埋有成一萬次閃電咁多呀，打破咗今年單日紀錄。唔少攝影發燒友（包括毛毛）都成晚對住個天狂影，影咗成千幾張相，為嘅就係影到張有氣勢嘅閃電相！

毛毛冇用呀，最多都係影到咁樣樣咋，算啦都係唔好獻醜喇，不如去啲攝影group睇下師兄們嘅大作好過！

嘩呢張相影到道閃電一嘢轟落去個海度，真係隔住個mon都feel到陣霸氣湧緊出嚟呀！個海咁都冇爆開到喎，好amazing呀！

不過最amazing嘅，係有另一位網民都影到同一道閃電呀！佢將上面位師兄張相水平反轉，再拼落自己張相隔籬，就發現雖然大家分隔兩岸，但都喺一萬次閃電入面，咁啱影到同一道，一齊為同一道閃電而興奮！嗚呀，古乳有暈「如有雷同，實屬巧合」，真係講得好啱呀！

封面圖片、資料來源： Bruce Chun-Yin Cheng、Justin Nizal