雖然舊曆七月未到，但靈異事件日日都喺我哋身邊發生，明明啱啱都仲用緊枝筆，點知一擰轉面就唔見咗喇……如果唔係枝筆有腳識走，就一定係扮工室有鬼拎走咗唔還，而呢種鬼，就叫做屎忽鬼……

要杜絕屎忽鬼，唔使請師傅捉鬼嘅，有咗日本呢個新design就得啦！咩話？木筷子？仲話唔係用嚟畀師傅夾中指驅鬼嘅？

錯喇錯喇，木筷子只係佢表面嘅掩飾，事實上，佢係一枝原子筆嚟嘅。問你死未？

呢款日本新出嘅「割り箸ボールペン」，方便我哋出席一啲宴會場合，能夠神不知鬼不覺咁寫字傳紙仔。更加重要嘅係，插幾枝喺筆筒，屎忽鬼同事都只會以為係木筷子，唔會當係筆咁一借冇回頭呀嘛！不過，如果佢拎咗嚟食杯麵用又另計啦！

封面圖片、資料來源：japaaan

＜得意發明系列＞

【貓奴注意】有咗呢個梳毛器就可以幫主子Lam毛喇！

【創作力量同幻想】「摩西分紅海」拉鏈袋都畀你諗到！