而家同smart phone咁方便，仲邊會有人寫信㗎，次次打開信箱唔係水電費單就係宣傳單張，都冇話收到朋友去旅行寄嘅明信片嘅（其實哪有朋友…）。如果有呢幾隻蝸牛幫口食晒啲稅單佢就好喇！

咩蝸牛咁巴閉？咪台灣一個網民見到嘅呢幾隻囉！佢有日收工返屋企，竟然見到有兩隻巨型蝸牛喺佢個信箱出面爬爬下，唔知係咪想偷睇佢啲機密文件呢！

不過呢，無論蝸牛多麼的感動人，更加崩潰前面等呀。佢返到屋企打開封信，先知道原來畀蝸牛咬到溶溶爛爛！嗚嗚嗚，咬到咁嘅樣，仲點去郵局拎掛號郵件呀？同郵差叔叔講係畀蝸牛食咗，仲好笑過小學嗰陣同老師講本暑期作業畀狗狗咬爛囉……

Btw，啲蝸牛又幾識食喎，知道宣傳單張太重油墨味就淨係食幾啖就算！

封面圖片、資料來源：loshan／PTT