（Minions tone）Bababa baba nana～bababa baba nana！

香蕉嚟講，熟到塊蕉皮上面有少少黑色點點嗰時就最好食，不過，要捉住呢個timing都唔易，早咗食又太生，遲咗食又熟到爛喎，真係仲難捉摸過啲女人！而最近，有位日本網民都話啲蕉真係好難捉摸喎，一齊睇下～

咦，說好的香蕉呢？點解得返啲蕉皮嘅喂？是咁的，話說有位日本網民就將梳蕉掛咗喺屋企，然後有日佢落街食完飯返嚟，就見到啲蕉集體自殺喇……嗚哇，啲蕉竟然寧願跌落地都唔想畀佢食落肚，唔通連啲蕉都唔鍾意佢？！

話時話，點解要掛起啲蕉嘅？放低佢唔得㗎咩？any肥，計毛毛話dry，其實啲蕉根據「唔夠三秒論」嚟講都係食得嘅，不過呢位網民啱啱好就用咗三秒嚟相機食先，所以……你諗你啦。

圖片及資料來源：sara_ryuuichi／twitter