毛毛打得多喪屍game都知呀，平時預備定一個求生包是常識吧！雖然話就話香港唔會發生地震，但係意外呢啲嘢邊個知喎！好似呢個台灣網民咁，都一早上網買定幾張保暖毯，諗住有咩冬瓜豆腐嗰陣就可以派上用場吖嘛！

張毯又金又銀咁，真係夠晒搶眼呀！大吉利是講句，如果真係發生意外嗰陣披住張毯，拯救人員都容易啲睇到你吖嘛！不過呢個都唔係重點：

你睇下，一披上張毯成個聖鬥士星矢咁，真係一秒有金身不是夢呀！再唔係大時大節嗰陣拎嚟做包裝紙包住自己當禮物送畀女神，保暖之餘仲夠晒創意?！

不過人哋收唔收，就另一回事喇……

圖片來源、資料來源：許庭婷