古乳有暈，夏天為大地帶來美腿，不過如果係呢對腿嘅話，毛毛就真係唔想見喇……

話說呢個台灣網民一行出?就見到眼前呢一幕，差啲就畀佢嚇到個心離一離呀！邊個咁有手尾放對雨靴喺門口度仲要唔開燈，搞到好似個人冇咗上半身得返對腳咁呀！出事㗎嘛！

雖然毛毛什麼鬼都怕，但諗諗下其實咁樣樣都可以當係防盜裝置嚟喎！嗱門口就放對鞋，入到去間屋呢就放個女人紙袋喺梳化度，離遠睇咪好似有個女人頭咁囉！再加啲綠色燈喺旁邊，再播埋回魂夜嘅主題音樂，唔好講賊啦，肯肯定連小強都唔敢行入你間屋呀！

不過首先，你自己都唔可以畀佢哋嚇親先……55。嗱毛毛就認輸喇，冇咩事毛毛去開返燈先。

圖片來源、資料來源：NaNa Cheng