嘢食嚟講，蛋一定係最屈機嘅食物！無論係煎、炒、蒸、烚，咩玩法都得，仲要又平又好味又有營養，真係毒L恩物呀！你睇下，就算用能量飲品Monster Energy嚟整，隻蛋都一樣係咁鮮明、咁出眾！

冇呀，係青青哋，螢螢哋咋嘛！如果毛毛係勇者一定會食佢落肚啫！可惜，我唔係……Any肥，最近有個韓國網民又搵到個整蛋新方法喇！今次竟然係烚蛋烚咗隻雞仔出嚟？

唔L係啩咁殘忍？少年你太年輕了，其實呢個係堅﹒蛋黃嚟㗎！只不過隻蛋烚到過晒籠，爆晒出嚟，又咁啱爆到好似隻雞仔咁啫！個網民嘅創意力量同幻想都嚇你一跳㗎，嗱加啲紫菜上去，咪成副眼耳口鼻都齊晒囉！

之不過爾康都有講過啦，不要玩食物.jpg！搞到咁樣樣，你真係仲食得落肚咩……不如都係正正經經烚過第二隻蛋好過啦……55。

圖片來源、資料來源：naver

回帶：【賜我力量！】用Monster Energy煮溏心蛋一樣得