最近個個都變晒身做小精靈訓練員，拎住部電話周街走話要去捕捉小精靈呀！可惜呢啲機會從來都唔屬於毛毛，啊應該係話唔屬於香港人，因為到而家為止官方都未有宣佈隻game到底幾時先會喺香港上架呀！

冇得玩咯，不如睇下啲周邊嘢，頂住條癮先囉！話說日本最近推出咗個小精靈鑽飾系列，靚到毛毛呢個真男人都想買呀！

比卡超呢啲係基本嘢啦，但估唔到佢連耿鬼都有喎！

仲細心到將個首飾盒設計到成個精靈球咁，今次真係精靈球都變成首飾箱喇！

不過聽講呢個精靈球首飾盒只係限於開賣後嘅頭400名個賣家先有份咋……嗱，毛毛正式宣佈，如果邊個拎住呢個盒連鑽戒向毛毛求婚呢，毛毛肯肯定會諗都唔諗即刻應承啫，hehe！（利申：男毛毛)

圖片來源、資料來源：株式会社ケイ・ウノ