話說，早前日本女團AKB48成員就去咗千葉縣搞簽名會，諗住宣傳下新歌咁啦，聽講今次大會仲特別批准Fans帶自己嘅個人物品畀偶像簽名?～是咪聽到都覺得葡萄呢？

點知有Fans就亂用呢個福利，佢竟然叫其中一位成員阿大和田南那喺飛機杯上面簽名呀！！！嘩，真係隔住個mon都聞到陣腥味……btw，但大和田bb又會肯簽嘅？乜佢唔知嗰個係神秘的杯嚟㗎咩？

根據呢個咁曳曳嘅Fans嘅twitter所講，大和田bb係唔知個神秘的杯係咩嚟嘅，當時大和田bb仲有問係咩嚟?，之不過佢就話係健身用品，所以大和田bb咪信以為真，仲問佢要簽喺邊度囉。

雖然佢話係健身用品又錯唔得晒，但佢竟然欺騙大和田bb嘅真心……嗚哇，明明人哋先得嗰16歲，仲係好pure好true㗎嘛，點解你要污染人哋喎！！！實在係唔可以原諒喇，人嚟，同我拖佢出去！

圖片及資料來源：gino_poco／twitter、AKB48官網