對於毛毛呢啲懶鬼嚟講，剝蝦殼同蟹殼可能係世界上最麻煩嘅事。要對付佢哋就只有一招－唔食囉咩呀！但台灣有個大學生居然剝晒30幾個蝦殼不特止，仲要擺盤擺到好似成個藝術品咁呀！

呢間台灣嘅任食火鍋店前幾日就post咗呢張相上facebook，話好好奇到底整呢兩碟蝦殼同花蛤殼嘅大學生到底係讀邊科，點解可以整到好似藝術品咁樣樣喎！

毛毛9估，呢個學生唔係讀美術，就應該係醫科生，如果唔係點解可以將啲蝦煎皮拆骨，仲擺到咁靚喎！呢個post出咗之後，有好多其他網友都開心些牙自己擺蝦殼嘅相呀！

邊度嚟咁多人剝蝦殼剝得咁靚呀喂！幫毛毛剝埋好喎！

話時話，咁如果有人拎啲龍蝦殼嚟做沙煞比模型，係咪可以叫食飽飯冇SSS屙系呀下……？

圖片來源、資料來源：饗麻饗辣 頂級饗宴鴛鴦火鍋