求婚嚟講，最好就有花呀戒指呀摩天輪呀直升機呀飛機大炮呀咁，令到女女覺得自己係電影入面嘅女主角就為之上品，好似係。不過對某啲女女嚟講，又唔一定要搞到咁大陣象嘅，有時簡簡單單都好開心㗎啫～係咪呀哈姆太郎？

就好似呢對來自美國嘅唐氏綜合症情侶Ashley同Danny咁。

聽講Ashley同Danny已經拍咗兩年拖，兩個仲啱喺特殊學校畢業，畢業冇耐，Danny就用返工賺返嚟嘅錢買咗隻鑽石戒指，喺Ashley嘅生日party上送畀佢～唔止咁，Danny仲即時跪低，問Ashley願唔願意嫁畀佢，佢做老婆?！

你用無限濃情蜜意～來造迷人玩意～環在沒名份手指～佢哋求婚嘅過程仲畀Ashley嘅家姐拍低擺咗上網?，唔少網友都話睇到好滾動呀！等毛毛同大家一齊睇下：

嗚呀，能夠搵到一個同自己簡簡單單過日子嘅伴侶真係好幸福 :'( ！

圖片及資料來源：dailymail