眾所9知，水原希子日前就拍咗條片放上微博，澄清兩張辱華照嘅相中人並唔係佢，同時為自己Like咗朋友張辱華照一事，向一眾強國人鞠躬道歉。而有台灣朋友仔可能深明「知錯能改，善莫大焉」呢個大道理，噚日台灣社運人士王奕凱就喺Facebook搞咗個「第一屆向中國道歉大賽」，邀請網民齊齊向強國道歉。
比賽消息一傳出，即刻吸引大量網民參賽，除咗有台灣網民之外，香港網民亦參與其中。不過亦由於比賽反應熱烈，參賽作品眾多嘅關係，毛毛特登喺超過2000份參賽作品入面精選咗13位參賽者嘅作品同大家一齊欣賞。
1）去廁所屙屎的錯
阿Jerry唔夠自由奔放、唔識喺街大小二便就實係錯㗎喇，不過咁，你唔好以為毛毛唔知你個馬桶係日本製喎……用日貨？錯上加錯呀！
2）傷害十三億人眼睛的錯
講返句公道說話，毛毛覺得錯不在你，更何況……呢張係相嚟咋嘛，真人都未出現，見到真人先話傷眼都未遲啦！！！
3）笑的錯
.png)
講還講，唔好貼相……
4）天生的錯
5）買不到撩把Lun的錯
喂，上淘寶咪買到撩把Lun囉，唔好咁多藉口喎你！
6）電話號碼的錯
死啦，毛毛個電話號碼唔止有6同4，仲有8同9喎，睇嚟毛毛今次道一百次歉都唔掂……molamola！
PS：魚肉查看過百Like嘅參賽作品，請前往下一頁。
7）沒有河蟹的錯
係囉，花蟹、水蟹、毛蟹、長腳蟹、扮晒蟹……毛毛都見過，但就係冇見過河蟹，毛毛為此感到非常抱歉。
8）好好過的錯
9）沒完成整個元素表的錯
唔知呢位網民係香港人定台灣人呢？如果係香港人嘅話，起碼都叫做飲過延年益壽嘅鉛水，唔爛得去邊吖～
10）過了6月3日至6月5日之間的錯
唉，呢位網民就唔啱喇！應該好似毛毛咁，毛毛個日曆不嬲都冇6月3日至6月5日之間呢日嘅，頂盡都係得5月35日㗎啫。呢位網民下年小心啲喇知冇？
11）寫繁體字的錯
写繁体字就是错！错！错！
12）生三個小朋友的錯
13）多Like的錯
呢位網民錯咪錯咗多Like囉，你一個人錯就好啦，仲要9百幾個人陪你一齊錯，知唔知而家Like完相要拍片道歉㗎啫？
資料來源：第一屆向中國道歉大賽
想參賽或睇更多參賽作品：
