講識搵女仔錢，日本仔真係冇得輸，同一隻公仔可以出無限咁多精品，買到fans手都軟呀！呢款雞蛋模，就係可以將一隻普普通通嘅烚雞蛋整做叮鈴樣㗎喇！

又kawaii又可以呃like仲可以扮晒好有心思整嘢食，又點可以唔買呀！〔勵志日劇mode〕一齊畀心機向叮鈴雞蛋進發啦，努力呀！

嘩小姐你邊位呀？你肯肯定呢嚿白色嘢真係叮鈴？叮噹孤9寡人已經夠慘啦，而家連個妹都搞成咁，你叫佢點算呀！

唉，原來呢款雞蛋模係要擺完隻烚蛋入去之後再用凍水浸佢10分鐘先定到型㗎，個妹豬實係就咁監生夾爆隻蛋搞到咁樣樣啦！不過咁，失敗係成功老母，下次一定會好天嘅！

其實阿福畀技安打腫咗之後都係差唔多樣之嘛，你咪當叮鈴都唔好彩畀技安丙咗鑊金㗎囉…… 

封面圖片、資料來源： rukiruki00／twitter

睇埋：【完美神還原】呢個咪畀技安打完嘅牙擦仔！