國家要開放，思想要開放，呢個年代唔單止人要影相呃like，連動物都要㗎喇！特別係嗰班等緊人領養嘅毛孩，張大頭相要影得靚靚仔仔是常識吧！唔係點吸引到人呀？之不過呢位阿生，你啲舖屎……會唔會跳脫咗啲呢下？

呢隻喺美國嘅芝娃娃就叫做Carpe Diem，明明平時個樣就好得意嘅，但唔知點解一對住部相機呢，就會一秒變樣！反眼伸脷咩都齊！

搞到連個領養機構嘅義工都話呀，如果你想要一隻奇怪嘅狗，介紹返，可以考慮下佢咁喎。佢亦都憑住呢幾張崩壞咗嘅相喺網上爆紅，好受網民歡迎呀！聽講佢前幾日仲已經畀人領養咗?！真係啪啪啪，恭喜晒！

正所謂你的樣子如何，你的力量也必如何。如果毛毛都學佢咁樣整啲古靈精怪樣，又有冇人肯嚟領養我呢下……？

圖片來源、資料來源：SanFranciscoACC