成世人流流長，總會買過啲睇得唔玩得嘅嘢，又唔係話完全冇用嘅，不過唯一用途就係得個擺字咁啫……俄羅斯娃娃就係其中一個例子喇。打開一個又拎一個出嚟，再打開，再拎，再打開，再拎……你就成功集齊好多個得個擺字嘅公仔喇yeah！

但係如果你好似呢個台灣網民咁好彩買到呢套俄羅斯娃娃，就可以唔止得個睇字喇，仲可以拎佢哋嚟笑呀！

媽媽個樣又生得幾標緻喎，冇帶大眼仔對眼都咁bling bling，佢生嘅囡囡一定會承繼晒佢遺傳啫。大家姐第一手吸收晒媽媽嘅養份，果然都係個大眼妹呀下～

呢張相最左嘅咪二家姐囉，可能佢眼瞓啦，對眼就細少少。咦，咁三家姐呢？點解由三家姐開始就一直崩壞落去㗎……死囉，囡囡就有6個，爸爸到底有幾多個……

有位網民見到呢個家庭慘劇，都大方分享佢見過嘅個案。嗯，家家有本難唸的經，但家家不說。

有上網shopping嘅朋友仔都知道啦，正所謂「每一個作品純手工製作，一定會有些偏差的，沒辦法接受的客人就請勿下標唷～謝謝哦～」，咁咪証明佢買嘅係堅・手工藝囉！只不過師傅愈畫愈眼瞓咋嘛，其實想當年毛毛上堂抄碌屎咪又係咁…… 

封面圖片、資料來源： 王宥恩