毛毛敢講，世界上最爽皮嘅事，一定係返工時間開大！嗰種自由自在嘅感覺，清新嘅味道，真係諗起都覺得開心呀！所以如果有人夠膽阻住毛毛開大，毛毛實會狠狠咁鬧佢呀（喺心入面）！

有台灣網民喺客運站見到呢張告示，個菊花即刻緊一緊，嚇到原條縮返入去……喺廁格入面逗留超過15分鐘就會響警報係咩玩法？仲話到時會有服務人員嚟，喂都係想屙個sss啫，唔使畀咁大壓力下嘛？

但係都有網民話，set呢個警報器其實都係擔心有人喺廁格度暈咗冇人發現啫，都用心良苦㗎！嗯，苦就苦喇，但毛毛係講緊班便秘人士呀！你諗下，喺廁格度等咗成14分鐘先終於有sss屙，點L知屙到唔夠1分鐘個警報器響，出面又有服務人員想入嚟，條sss唔上唔落咁，真係全宇宙最老尷嘅情形呀……衰啲講句，話唔埋會搞到有陰影?呀！

不過如果畀你揀，你會揀一個嚇到標sss嘅廁所，定係緊張到屙唔出嘅廁所？嗯，毛毛從來都冇發覺原來雙子塔個鍍金廁所係咁美好。

圖片來源、資料來源：邵艾比