香港，勝在有私煙……嗱唔好誤會，毛毛係講緊多得私煙BB咁努力P圖，你班市民先明白「圖片僅供參考」呢個大道理咋！不過台灣呢位網民就冇咁好彩有私煙BB教路，所以咪搞到前幾日去武嶺玩嗰陣真係住咗間「堅．圖片僅供參考」嘅民宿囉！嘩，真係咁大出入？等毛毛睇過睇過～

首先係呢間民宿嘅網上圖片：

就咁睇間民宿嘅外觀，都幾有特色吖，55。

行埋入去，都叫做有條路行下嘅……er，不過都係睇埋個床位先。

嗱嗱嗱，係細心呀！人哋明知呢度係山卡啦地方，實多蚊到hihi，所以特登幫你哋整埋蚊帳呀！

老老77，其實係人見到呢堆網上圖片，個心都經已打咗個底，正所謂一分錢一分貨，收你咁平唔通畀間五星級酒店你住咩？係，但係真係估唔到會去到呢個地步囉！事不宜遲，即刻睇埋呢位網民去到民宿後影嘅相：

嘩！呢架咪民宿出面嗰架藍色車？乜畀咁多雜草圍住咁受歡迎呀？

再行多兩步……你肯定呢個唔係大型垃圾站？

終於畀呢位網民行到入屋，見到啲似返民宿少少嘅設備－拖鞋，只不過就污糟咗少少、多塵咗少少同舊咗少少咁啫～

Yo！爛拖鞋咋嘛，使乜驚呀？

雖然，燈光都好影響一個人對一個地方嘅觀感，但，個床位都唔使成個廢墟咁樣下話……

btw，乜嘢廢墟啫？你哋知唔知而家啲民宿興有主題㗎？以毛毛9估，呢個應該係以廢墟or垃圾站為主題嘅民宿嚟㗎啫，唔通搞搞人哋新意思又要話過你哋知咩？

圖片及資料來源：呂易