廣告都有教啦，客仔就話「我嚟係搵你幫我，唔係嚟幫你Meet target㗎」，但係腦細就話「我請你係搵你幫我Meet target㗎，你話你今個月做過啲乜呀！」唉，左右做人難，打工仔最痛都算這種喇。

不過，痛，又點呀，腦細會理解嗎？不會，因為腦細只想到自己！強國有間裝修公司就諗到用生啪苦瓜嚟懲罰Meet唔到target嘅員工喇。有員工喺網上爆料，話有40個同事因為Meet唔到target，畀班大粒佬罰佢哋企出嚟當眾生食苦瓜，仲有同事因為太苦食唔落而要罰食多隻呀！

聽講呢招苦過dee dee嘅大懲罰一出，班伙記嘅業績好咗三倍呀！不過計毛毛話，淨係跑到數咪得腦細一個賺晒？班伙記應該學下點enjoy食苦瓜，只有你就算畀人罰緊都唔覺得慘，先至係無敵！

封面圖片、資料來源：中國新聞網