想當年毛毛仲係一枚青春活力大學生嘅時候，最鍾意就係去common area 度hea！不過講起common area，毛毛都有個慘痛經歷，就係冇擘大對眼睇清楚，以為書枱個窿唔係一個窿，而係好似飛機上面啲枱仔個圈圈咁畀人擺嘢飲嘅，咪一嘢成杯咖啡入樽咁入落去囉，到而家去Re－U都仲畀人笑緊呀陰公。

原來有個泡菜國網民都一樣，諗到成個諗樣出晒嚟都諗唔明呢個謎之窿有咩用途！

直到有一日，充滿智慧嘅喵星人可能睇唔過眼呢個人類咁愚蠢，所以就伸出智慧之手，希望可以幫到佢探索謎之窿嘅神秘用途！

幸得聖上啟蒙，奴才終於搵到謎之窿嘅真正用法喇！原來係要嚟畀聖上捐個頭仔入去，偷偷看偷偷望，監視住奴才有冇專心溫書㗎。

不過最重要嘅應該係監視奴才有冇靜雞雞上網睇其他喵星人就真……

主子呀主子，世上窿窿何其多，你又何必偏偏執著呢一個？You are not a 窿！

封面圖片、資料來源：NAVER BBOOM