萬里長城長又長，阿Sir條氣…比佢長…zzzZZZ…上堂咁悶，又冇得玩Pokemon Go，真係隨時瞓得著呀，唔砌下原子筆戰機，啲時間點過呀？不過如果連玩筆都玩到厭嘅話，不如玩呢樣呀！冇錯呀，就係鉛筆芯喇！

嘩！做咩玩咁大呀！唔小心畀鉛筆芯拮咗少少入手指，就係人都試過啦，但係咁樣樣成支插穿手指，就真係第一次見！隔住個mon都覺得痛呀大佬，仲要驚住整斷咗支芯，留咗一截喺入面就弊傢伙喇！

不過，最近爆紅嘅海濤法師都教過啦，一切都是「假的」！原來呢位同學仔只係將鉛筆芯啪開兩半再黏喺手指上面，扮畀鉛筆芯插穿咋～原來上堂攝時間嘅最佳活動唔係玩筆，都唔係玩鉛筆芯，而係玩同學呀下。

話時話，原來有唔少人都堅係有畀鉛筆芯拮入手指嘅慘痛經歷。呢隻手指嘅發黑痕跡，就係13年前畀鉛筆芯拮親留低㗎喇！真係估唔到現實世界有咁多阿芯一族潛伏我哋身邊！

封面圖片、資料來源： dcard