曬好鬼曬～曬曬曬～呢排真係又熱又曬呀，一行出街差啲以為自己會溶呀，唔係！直頭係蒸發呀！如果學熱茶咁講真係不要防曬，實命都短幾年呀！

同陽光玩遊戲呢啲咁熱血咁春青嘅事……都係留返畀心如bb做啦！毛毛好似呢個台灣嘅朋友仔咁就得㗎喇。話說有個網民揸揸下電單車竟然喺停燈嗰陣見到前面排車有一架係冇人㗎！唔L係啩？日光日白……都撞到污糟嘢？！

揸電單車係就係又型又威又不覊，但慘在日曬雨淋呀嘛，呢個朋友仔就醒呢，棄明投暗，但企陰間度抖涼，就算係等轉燈嗰幾十秒都堅持愛靚唔愛命呢個大原則，絕對唔可以曬親！

不過咁樣又要落車又要上車，都好麻煩啵。想唔同陽光玩遊戲咋嘛，學呢個民間高手咁咪得囉！只要首先練返十年八年鐵頭功，就可以輕輕鬆鬆一嘢頂住張床褥出街擋太陽喇！如果你咁簡單都做唔到，so99y，建議你都係落大雨先好出門口喇。

封面圖片、資料來源： Shining Ho

延伸閱讀：【高手在民間】見咁曬咪拎張床褥嚟擋下太陽囉