最近，有網民去尖沙咀一間茶記食嘢嘅時候，竟然聽到隔籬枱位靚女同伙記投訴佢個菠蘿包有個針筒頭喺度喎！嘩，唔係咁恐怖下話……菠蘿包已經冇菠蘿㗎啦，你仲要畀個針筒頭我？！

睇真啲，個針筒頭仲疑似有血漬喎……到底點解個包入面有針筒頭㗎呢？唔通麵包師傅玩緊醫生同病人嘅遊戲嗰陣唔小心跌咗個針筒頭落去？

有網民就話都唔知支針筒係咪用嚟吸毒，隨時成盤都染晒毒品；而有位自稱做過麵包師傅嘅網民都話：「睇樣似啪完跌咗落個烤盤度，之後個包放咗喺支針上面發然後一齊入爐。」

不過事後間茶記就表示，啲包係供應商提供，暫時未清楚原因喎……btw，其實針筒頭又點吖，強國人食勻晒成個元素週期表咪又係咁，冇事嘅，55！

圖片及資料來源： Kuen Li／Tai Po 大埔