2016年07月21日 星期四
弱弱一提，你哋抵制緊嗰間係山寨蘋果店嚟㗎……
愛國就是要用國貨，來來來，咱們讓外國勢力滾出中國！繼早前強國各地有民眾圍堵肯德基後，前日又有強國人發起抵制蘋果嘅行動。大家睇下呢幾位高舉國旗同擴音器嘅同胞企喺個台度幾有氣勢，成個愛國戰隊咁款呀～
聽到呢幾位愛國戰隊嘅呼籲，一眾強國人就梗係即刻跟住佢哋去到位於睢寧縣中山北路6號嘅蘋果專門店，齊齊抵制小蘋果手機啦！
不過，有心水清嘅網民就發現，呢間所謂嘅蘋果專門店啲裝修同格局好似同堅・蘋果專門店有啲出入喎……就連官網都冇呢間乜L嘢「睢寧蘋果專賣店」個名嘅喂？！
即係咁，毛毛就打死都唔信呢班強國人會連抵制都去錯山寨蘋果店咁7嘅！以毛毛9估，佢哋肯肯定係想搵間山寨蘋果店度預習一次先，等大家嚟真嗰次叫口號可以叫得齊啲，個隊形又可以排得齊啲咁啫……應該係，除非唔係。
