毛毛以為國家要開放，思想要開放，今時今日想睇如來神掌呢啲真功夫只可以喺小說同電影入面睇到啦，但原來中國功夫笨冇失傳到㗎！能夠親眼見證到輕功水上飄嘅傳人，毛毛真係覺得好感動呀嗚哇！

前幾日喺強國就有人發現有個男人喺條河上面飄下飄下，嗌佢又唔醒喎，其他人擔心佢有咩意外於是就嗱嗱臨報警喇。

唉，少年你們都太年輕了，唔通人哋係武林隱世高手又話你哋知咩！班公安去到河邊之後就驚覺，原來呢條唔係浮屍嚟，而係一個飲醉咗酒嘅肥仔呀！公安仲9估，話呢位高手之所以可以浮喺水面，話唔定係因為佢夠肥，多肥膏喎！嘩聽完之後真係覺得學游水冇用呀，想跟高手學嘢，增肥咪得囉（好似係）！

飲醉酒跌咗落河，再順個靚便瞓返個靚覺，其實都好合理吖！

又btw，如果個強國男早啲出現，咁呢個肥仔就唔使做海底奇兵做咗咁多年，仲畀人萬年恥笑啦……

圖片來源、資料來源：楚天都市報／微博